Ағылшындар 10 адаммен Мексиканы жеңіп, ширек финалда
Англия құрамасы ӘЧ плей-офф кезеңінде үй иесі Мексиканы 3:2 есебімен жеңіп, ширек финалға шықты. Матч он ойыншымен ойнауға мәжбүр болған ағылшындар үшін тарихи жеңістердің біріне айналды.
Англия ұлттық құрамасы Әлем чемпионатының ширек финалына жол тартты. Плей-офф кезеңінде ағылшындар үй иесі Мексиканы 3:2 есебімен жеңіп өтті. Мексика ойынды бірлесіп қабылдаушы ел ретінде өткізсе де, чемпионаттан ерте қоштасуға мәжбүр болды.
Матч аңызға айналған «Ацтека» стадионында өтті. Кездесу шиеленісті әрі драмалық болды — командалар голдармен алмасып, жанкүйерлерге қатты күйзеліс сыйлады. Ағылшындар ойынның бір бөлігін он адаммен өткізуге тура келді, бірақ бұл жеңіске кедергі болмады.
Джуд Беллингем мен Гарри Кейн шешуші голдарды салып, командасын келесі кезеңге алып шықты. Тәжірибелі капитан мен жас талант ойынның ең маңызды сәттерінде көш бастап, жеңістің басты кейіпкерлеріне айналды.
Sky Sports Football басылымы бұл нәтижені Англия құрамасының плей-офф тарихындағы ең үлкен жеңістерінің бірі деп бағалады. Аз құраммен, әрі үй иесіне қарсы қол жеткізілген жеңіс ағылшындар үшін ерекше мәнге ие болды.
Енді Англия ширек финалда өз бақтысын сынайды. Мексика үшін болса, өз алаңында өткен чемпионат күтпеген жерден аяқталды.