Альварес «Атлетикодан» кетуге бел буды
Аргентина шабуылшысы Хулиан Альварес «Атлетико Мадридтен» кетуге дайын екенін мәлімдеді. Ойыншы бұл шешімін өз арманымен байланыстырды.
Аргентина ұлттық құрамасының шабуылшысы Хулиан Альварес «Атлетико Мадридпен» қоштасуға ниет білдірді. Ойыншы бұл туралы өзі жариялап, клубтан кету арқылы «өз арманын іске асырғысы» келетінін айтты.
Альварес 2024 жылы «Манчестер Сити»ден «Атлетикоға» 75 миллион еуроға ауысқан болатын. Алайда Мадридте өткізген уақыты оның күткенін толық бермеді деп есептеледі. Аргентиналық шабуылшы клубта негізгі ойыншы мәртебесіне толыққанды ие бола алмады.
Бұл мәлімдеме трансфер нарығында үлкен қызығушылық тудыруы әбден мүмкін. Еуропаның бірқатар топ клубтары Альваресті бұрыннан да қызықтырып келген. 25 жасар шабуылшы Әлем чемпионатын жеңген Аргентина құрамасының тірегі болып саналады.
Альваресті ауыстырмақ болған клуб туралы ресми мәлімет әзірге жоқ. Трансфер маусымы жақындаған сайын оның болашағы жайлы талқылаулар күшейе түспек.