Густо «Челсиді» тастауға дайын: клуб баға белгіледі
«Челсидің» қорғаушысы Мало Густо осы жазда клубтан кетуді қарастыруда. Клуб ойыншыға 75 миллион фунт стерлинг баға біктірді.
«Челси» қорғаушысы Мало Густоның болашағы белгісіз. BBC Football хабарлауынша, француз ойыншы осы жазғы трансфер терезесінде клубтан кетуді ойластырып, нұсқаларын зерттеп жатыр.
«Челси» Густоны сатуға дайын, алайда арзанға жібермек емес. Клуб ойыншыға 75 миллион фунт стерлинг баға белгілеген. Бұл сома Густоға мүдделі клубтарды ойландыруы мүмкін.
Густо «Челсиге» 2023 жылы «Лионнан» ауысқан болатын. Жылдам жүрісі мен шабуылға белсенді қатысуымен ерекшеленетін оң қанат қорғаушы Премьер-лигада өзін жақсы таныта білді. Дегенмен команданың осы маусымдағы тұрақсыз ойыны жас ойыншының ойын жоспарларына да әсер еткен сыңайлы.
Жазғы трансфер науқаны жақындаған сайын Густоға деген қызығушылық артуы ықтимал. 75 миллион фунтты төлеуге дайын клуб табылса, «Челси» ойыншыны ұстап қалмайтын көрінеді.